Minisitiri w’intebe wa Ethiopia Abiy Ahmed , mu ijambo yagejeje ku bayobozi bakuru muri Ethiopia, yavuze ko vuba aha ingabo z’amahanga zarwanye ku ruhande rw’inyeshyamba zo muri Tigray mu duce tw’ingenzi muri Amhara.

Ni ijambo rya mbere avugiye kuri televiziyo nyuma yuko inyeshyamba zitangaje ko zafashe imijyi ya Dessie na Kombolcha.

Yavuze ko abarwanyi baturutse hanze(batari Abanya-Ethiopia) , barimo abazungu n’abirabura bagize uruhare runini mu mirwano iherutse kubera muri iyo mijyi ibiri, ariko TPLF yahakanye ibivugwa na Abiy Ahmed.

Minisitiri Abiy yavuze kandi ko inyeshyamba zo muri Tigray zishaka gusubira ku butegetsi ngo zifate gahunda yo gufata abo mu bwoko bumwe nk’abaturage bo mu cyikiro cya mbere mu gihugu nkuko BBC ibitangaza.

Leta ya Ethiopia iherutse gusohora itangazo ivuga ko inyeshyamba zo muri Tigray zishe abaturage b’abasivile barenga 100 mu mujyi wa Kombolcha, ibi Inyenshyamba zo muri Tigray zarabihakanye.

LEAVE A REPLY

Please enter your comment!
Please enter your name here